Aktrisa Ra’no Shodiyeva Andijonda imkoniyati cheklangan yoshlar bilan uchrashib, ularga amaliy ko‘mak ko‘rsatmoqda (foto)

O‘zbekiston Yoshlar ittifoqi qoshida imkoniyati cheklangan yoshlar va bolalar markazi rasman ish boshlagani va unga rahbar etib O‘zbekistonda xizmat ko‘rsatgan artist Ra’no Shodiyeva tayinlangani haqida xabar berilgan edi.

Yoshlar ittifoqi raisi Qahramon Quronboyevning Facebook’dagi sahifasida ma’lum qilinishicha, o‘tgan qisqa vaqt davomida tashkilot strukturasi to‘liq shakllanib, dastlabki amaliy ishlar boshlab yuborildi.

Ayni kunlarda Ra’no Shodiyeva Andijon viloyati Paxtabod tumanidagi imkoniyati cheklangan yosh oilalar, yoshlar, bolalarga amaliy ko‘mak berib, ular bilan ochiq muloqotlar o‘tkazmoqda.