Irlandiyalik xonanda Dolores O’Riordan va The Cranberries’ning eng yaxshi qo‘shiqlari

The Cranberries guruhi vokalisti va qo‘shiqlarining muallifi, 1990-yillarning eng yodda qolarli va noodatiy ovoz sohibalaridan biri Dolores O’Riordan 15-yanvar kuni Londonda vafot etdi. U 46 yoshda edi. Xonandaning o‘limi sabablari hozircha noma’lum.

Dolores so‘nggi yillarda The Cranberries tarkibiga qaytgan, unga shuhrat keltirgan bu guruh bilan birga eski mashhur qo‘shiqlarini yangi akustik versiyalarini chiqargan, shuningdek, D.A.R.K. deb nomlangan yangi musiqiy loyiha ustida ish olib borayotgan edi. U 2017-yili salomatligidagi muammolar sabab konsertlarini qoldirgandi. “Daryo” tahririyati xonandaning e’tiborga molik kompozitsiyalarini yodga oladi.