Qur’on musobaqasining jami ishtirokchilari soni va tarkibi e’lon qilindi

15-yanvar kuni Jizzax va Sirdaryoda o‘tkazilgan Qur’on musobaqasining hududiy bosqichida 5366 nafar kishi, xususan 3263 nafar erkak, 2103 nafar ayol ishtirok etdi. Bu haqda O‘zbekiston musulmonlari idorasi matbuot xizmati xabar bermoqda.

“Mana endi ko‘pchilik O‘zbekiston Prezidentining Qur’on musobaqasini o‘tkazishga katta tashabbus ko‘rsatib: ‘Qur’onni eshitish, eshita olish yuksak ma’naviyat, ma’rifat. Qur’on hech qachon yomonlikka da’vat qilmaydi. Agar, Qur’oni karimni eshita olsak, eshittira olsak bu muvaffaqqiyat bo‘ladi. Elimizga nur keladi’, deb aytgan gaplarining hikmatini anglagan bo‘lsa, ajab emas”, — deyiladi xabarda.