Osiyo Chempionati U23. Avstraliya va Suriya ham turnirdan chiqib ketdi. Barcha chorak finalchilar ma’lum
Xitoy mezbonlik qilayotgan 23 yoshgacha futbolchilar o‘rtasidagi Osiyo Chempionatida guruh bosqichi o‘yinlari yakuniga yetdi va chorak finalga yo‘llanma olgan barcha termalar nomi ma’lum bo‘ldi.
“D” guruhining so‘nggi turida avstraliyalik futbolchilar Janubiy Koreyadan 2:3 hisobida yengilib, Osiyo Chempionati bilan xayrlashdi. Suriya esa Vyetnam bilan golsiz durang o‘ynab, musobaqani tark etadigan bo‘ldi.
Chorak final bellashuvlaridan 2 tasi 19-yanvar kuni bo‘lib o‘tadi, yana 2 tasi 20-yanvarda tashkil etiladi. O‘z oldiga chempionlik vazifasini qo‘ygan Ravshan Haydarov boshqaruvidagi O‘zbekiston terma jamoasi yarim final yo‘lida Yaponiyaga qarshi maydonga tushadi.
Osiyo Chempionati U23
Chorak final
19-yanvar, juma
Qatar — Falastin
Yaponiya — O‘zbekiston
20-yanvar, shanba
Iroq — Vyetnam
Janubiy Koreya — Malayziya
Manba: Daryo.uz