O‘zbekiston OTMlarida o‘qiyotgan talabalarning necha foizini qizlar tashkil etadi?

Davlat statistika qo‘mitasi axborotiga ko‘ra, 2017/2018-o‘quv yili boshida O‘zbekiston oliy ta’lim muassasalarida o‘qiyotgan talabalar soni 297 689 nafar bo‘lgan.

Talabalarning 119 180 nafari yoki 40 foizini qizlar, 178 509 nafari yoki 60 foizini yigitlar tashkil etadi.

Toshkent shahridagi o‘quv yurtlarida ta’lim olayotgan talabalarning 33,9 foizini qizlar, 66,1 foizini yigitlar tashkil etadi. Qoraqalpog‘iston Respublikasi (51,3%), Xorazm (51,3%) va Navoiy (56,6) viloyatlaridagi OTMlarda o‘qiyotgan qizlar yigitlarga nisbatan ko‘pchilikni tashkil etadi.