Qozog‘istonda o‘zbekistonliklar halok bo‘lgan YTH sabablarini o‘rganish yuzasidan bosh vazir boshchiligida hukumat komissiyasi tashkil etildi

Qozog‘istonda ko‘plab o‘zbekistonliklarning halok bo‘lishiga olib kelgan fojia sabablarini o‘rganish yuzasidan bosh vazir Abdulla Aripov boshchiligida hukumat komissiyasi tashkil etildi. Bu haqda Favqulodda vaziyatlar vazirligi matbuot xizmati ma’lum qildi.

“O‘zbekiston Respublikasi Prezidenti Shavkat Mirziyoyevning topshirig‘iga ko‘ra bosh vazir boshchiligida maxsus hukumat komissiyasi tashkil etildi”, — deyiladi xabarnomada.

Uning tarkibiga Tashqi ishlar, Favqulodda vaziyatlar, Ichki ishlar, Sog‘liqni saqlash vazirliklari va boshqa idoralarning vakillari kiritildi.

Maxsus hukumat komissiyasiga Qozog‘iston vakillari bilan hamkorlikda sodir bo‘lgan favqulodda vaziyat sabablarini o‘rganish, mamlakat fuqarolari shaxsini aniqlash vazifalari yuklatildi.