“Real Madrid” so‘nggi daqiqadagi goli bilan Ispaniya Kubogining yarim finaliga qadam tashladi

Futbol bo‘yicha Ispaniya Kubogining chorak finali doirasida yana bitta uchrashuv bo‘lib o‘tdi va unda Madridning “Real” klubi “Leganes” maydonidan g‘alaba bilan qaytdi.

Bellashuvdagi yagona gol 89-daqiqaga kelib Marko Asensio tomonidan kiritildi. Tomonlarning javob o‘yini 24-yanvar kuni “Santyago Bernabeu” arenasida bo‘lib o‘tadi.

Bunga qadar “Barselona” mavsumdagi ilk mag‘lubiyatini “Espanyol” maydonida qabul qilib olgan bo‘lsa, “Atletiko” “Sevilya”dan, “Alaves” esa “Valensiya”dan taslim bo‘lgandi.

Ispaniya Kubogi

Chorak final

18-yanvar, payshanba

Gol: Marko Asensio, 89 (0:1).