Qirol Arturning ukrainalik ajdodlari aniqlandi

Brittlar yo‘lboshchisi, taxminan, eramizning V-VI asrlarida yashagan, Arturning kelib chiqishi hozirda Kiyev boshqaruvidagi yerlarga borib taqaladi. Bu haqda ukrainalik politolog Aleksandr Paliy Facebook’dagi sahifasida ma’lum qildi, deb yozadi “RIA Novosti”.

Uning so‘zlariga qaraganda, Buyuk Britaniyada afsonaviy hukmdor II-III asrlarda Qora dengizdan Orol dengiziga qadar hududlarda yashagan sarmat qabilalaridan bo‘lganligi haqidagi nazariya mashhur. Politolog, shuningdek, qirol va uning ritsarlari keltlarga xos bo‘lmagan yirik gavda tuzilishi bilan ajralib turganligiga e’tibor qaratadi.

Paliy uchun “ukrainalik kelib chiqish” foydasiga uchinchi argument Ekskalibur qilichi haqidagi afsona bo‘ldi. Qurol, uning fikricha, “juda sarmatlarga xos”.