Suriyada IShID tarafiga o‘tgan germaniyalik rep-qo‘shiqchi halok bo‘ldi

Suriyada IShID tarafiga o‘tgan germaniyalik rep-qo‘shiqchi Denis Kuspert halok bo‘ldi. Bu haqda “Korrespondent.net” xabar bermoqda.

Deso Dogg deb nom olgan va Germaniyada jangarilar uchun odam yollash bilan faol shug‘ullanib kelgan Kuspert Dayr-az-Zavr viloyatining Garanij shahriga berilgan aviazarba oqibatida o‘ldirildi.

IShIDning bir necha targ‘ibot roliklarida ishtirok etgan qo‘shiqchining o‘limini IShID nashrlari tasdiqladi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.