“Toshshahartransxizmat” AJ Toshkentdagi 7 ta bekatda navbatchilik tashkil etdi

“Toshshahartransxizmat” aksiyadorlik jamiyati tarkibidagi avtobus saroylari tasarruf bo‘limi muhandislari va harakat xavfsizligi bo‘limi xodimlari tomonidan har haftaning seshanba kunidan yakshanba kuniga qadar soat 10:00 dan 16:00 gacha “O‘rikzor bozori”, “Toshkent savdo markazi”, “Izza mavzesi”, “Chilonzor buyum bozori”, “Farhod bozori”, “Chilonzor metrosi” va “Bek baraka bozori” bekatlarida tasdiqlangan jadval asosida navbatchilik tashkil etildi. Bu haqda “Toshshahartransxizmat” aksiyadorlik jamiyati boshqaruvi raisi Anvar Jo‘rayevning so‘zlariga asoslanib,  O‘zA xabar bermoqda.

Haftaning seshanba, chorshanba kunlari Toshkent shahar IIBB YHXB TNB xodimlari bilan birgalikda tarmoq korxonalari harakat xavfsizligi bo‘limi xodimlari ishtirokida reydlar tashkil etilgan bo‘lib, mazkur reydlar shaharning avtomobil tirband bo‘lgan joylarida muntazam o‘tkazib kelinmoqda.