Suriya qo‘shinlari qamal qilingan “Jibhat an-Nusra” guruhini yo‘q qilishga kirishdi

Suriya qo‘shinlari va xalq lashkari Idlib viloyatida o‘rab olingan bir yarim ming nafardan iborat “Jibhat an-Nusra” jangarilari guruhini yo‘q qilishga kirishdi, deb yozadi “TASS” Rossiya mudofaa vazirligiga tayanib.

Muassasa ma’lumotlariga ko‘ra, qamal qilingan terrorchilar guruhi qo‘li ostida tanklar, jangovar piyoda qo‘shinlar mashinalari, dala artilleriyasi qurollari va minomyotlar bor.

Hujum harakatlari chog‘ida o‘tgan sutkalar ichida Suriya qo‘shinlari bo‘linmalari Abu-Duxur aerodromidan shimoliy yo‘nalishda 6 kilometrga siljigan, jangarilardan 24 ta aholi punkti ozod qilingan.