Fotogalereya: Gonkong aholisi uchun suv quvuridan yaratilgan uylar

Gonkongdagi “katalak uylar” haqida ko‘pchilik eshitgan bo‘lsa kerak. Biroq bu yerda qurilishi rejalashtirilayotgan yangi mikrouylar ko‘plarning aqlini shoshirib qo‘yishi hech gap emas. Yaqinda bo‘lib o‘tgan ko‘rgazmada eski suv quvurlaridan foydalangan holda yaratilgan uylar taqdim etildi. Diametri salkam 2,5 metr bo‘lgan bu kabi uyda bemalol ikki kishidan iborat oila yashay oladi, deb xabar berdi TravelAsk.

OPod Tube House yirik megapolisdan hozircha uy sotib olishga qurbi yetmaydigan yoshlar uchun ayni muddao. Og‘irligi 22 tonna keladigan “truba uy”ning maydoni katta bo‘lmasa ham uning ichiga yashash uchun kerak bo‘ladigan barcha narsani joylashtirsa bo‘ladi: yig‘ma karavot, yuvinish xonasi, mini-muzlatgich…