Qarag‘anda viloyatida 5 kishi o‘lik holda topildi

Qozog‘istonning Qarag‘anda viloyatidagi qishloq uyida besh kishi halok bo‘ldi. Yana bir kishi behush holatda shifoxonaga yotqizilgan, deb yozadi “Kazinform”.

Dastlabki taxminlarga ko‘ra, bunga is gazidan zaharlanish sabab bo‘lgan. Bir guruh kishilarning o‘limi Qarag‘anda viloyatining Dubovka posyolkasida 21-yanvar 20:30 da somonli xom g‘ishtdan qurilgan bir xonali uyda sodir bo‘lgan.

Sinov yong‘in laboratoriyasi mutaxassislari taxminiga ko‘ra, zaharlanishga pech qurilmasidagi nosozlik sabab bo‘lgan. Halok bo‘lganlardan uch nafari — 1961, 1981 va 1984-yillarda tug‘ilgan ayollarning shaxsi aniqlangan.

Boshqa halok bo‘lganlar shaxsi va hodisa vaziyatlarini aniqlash yuzasidan choralar ko‘rilmoqda.