Rossiyalik deputat bolalarning ijtimoiy tarmoqlarda ro‘yxatdan o‘tishini cheklashni taklif qildi

Rossiya Davlat Dumasi muhokamasiga kiritilgan yangi qonun loyihasi 14 yoshgacha bo‘lgan bolalarning ijtimoiy tarmoqlarda ro‘yxatdan o‘tishini cheklashni nazarda tutadi. Bu haqda “RIA Novosti” xabar bermoqda.

Tashabbusga muvofiq, ko‘rsatilgan yosh kategoriyasidagi bolalar ijtimoiy tarmoqlarda ro‘yxatdan o‘tishi uchun uning qonuniy vakillaridan yozma rozilik talab etiladi.

Hujjat muallifi, “Yedinaya Rossiya” partiyasidan saylangan deputat Vitaliy Milonov bu masalada “Axborot, axborot texnologiyalari va axborotni himoya qilish to‘g‘risida”gi qonunga o‘zgartishlar kiritish lozim deb hisoblamoqda.