O‘zbekistonda 2018-yilda 2 mingta ijtimoiy dorixona tashkil etiladi

O‘zbekistonda 2018-yilda ijtimoiy dorixonalar tarmog‘i yaratiladi. Bu haqda Harakatlar strategiyasini “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirishga oid Davlat dasturida aytiladi.

22-yanvar kuni O‘zbekiston Prezidenti Shavkat Mirziyoyev “2017—2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirishga oid Davlat dasturi to‘g‘risida”gi Farmonni imzoladi.

Hujjatga muvofiq, aholini arzon narxlardagi sifatli dori vositalari bilan ta’minlaydigan 2 mingta ijtimoiy dorixona tashkil etish rejalashtirilgan.