Bengazidagi ikkita terakt qurbonlari soni 33 kishiga yetdi

23-yanvar kuni Liviyaning Bengazi shahrida sodir etilgan ikkita terakt qurbonlari soni 33 kishiga yetdi, 70 dan ortiq kishi esa yaralandi. Bu haqda “TASS” xabar bermoqda.

Portlovchi qurilma o‘rnatilgan avtomobil as-Salmoniy dahasining sharqiy tomonida, shaharning eng yirik masjidlaridan birining yonida portladi. Oradan yarim soat o‘tgach, voqea joyiga huquq-tartibot xodimlari va shifokorlar yetib kelganida yana bitta avtomobil portlab ketgan.

Avvalroq, 28 kishining vafot etgani haqida xabar berilgan edi.

Mamlakatdagi hech bir terrorchilik guruhi terakt javobgarligini o‘z zimmasiga olmagan.