O‘zbekistonda 2 oyda 10 dan ortiq soxta nostrifikatsiya guvohnomalari aniqlandi

Ta’lim sifatini nazorat qilish davlat inspeksiyasi o‘z faoliyatini boshlaganidan so‘ng o‘tgan 2 oylik faoliyati davomida 10 dan ortiq xorijiy davlatlarda ta’lim olganlik to‘g‘risidagi diplomlarni nostrifikatsiya qilinganligi to‘g‘risidagi qalbaki guvohnomalar aniqlandi. Bu haqda inspeksiya matbuot xizmati xabar bermoqda.

Ushbu guvohnomalar yuzasidan ichki ishlar organlariga tezkor xabar berilgan.

“Xorijiy davlatlarda ta’lim olganlik to‘g‘risidagi o‘rta maxsus, kasb-hunar va oliy ta’lim hujjatlari faqat ta’lim sifatini nazorat qilish davlat inspeksiyasi tomonidan nostrifikatsiya qilinadi”, — deyiladi xabarda.