“Islom nuri” gazetasida arab tili saboqlari berila boshlandi

O‘zbekiston musulmonlari idorasining diniy-ma’rifiy nashri hisoblangan “Islom Nuri” gazetasining 15-yanvardagi sonidan boshlab “Qur’onni o‘rganamiz” rukni ostida arab tili saboqlari berib borilmoqda, deb xabar beradi diniy idora matbuot xizmati.

Arab tili darslari Toshkent islom instituti prorektori Ibodulla Ahrorov tomonidan tayyorlangan.

Bundan tashqari, arab tili darslari “Muslim.uz” portali orqali har haftada bir marta onlayn tarzda namoyish etiladi.