Tramp Guantanamodagi qamoqxonani saqlab qoladigan farmonni imzolashi mumkin

AQSh prezidenti Donald Tramp Guantanamodagi qamoqxonani saqlab qolishga imkon beradigan farmonni imzolash niyatida. Bu haqda “Izvestiya” xabar bermoqda.

Politico nashriga ko‘ra, Tramp farmonni 30-yanvarda imzolashi mumkin. Hujjat sobiq prezident Barak Obama tomonidan 2009-yilda imzolangan va qamoq tez orada yopilishi ko‘zda tutilgan farmonning bir qismini bekor qilishi bildirilmoqda.

Tramp mahbuslarning ko‘chirilishi AQSh xavfsizligiga tahdid solishini ta’kidlamoqda.

Tasdiqlanmagan ma’lumotlarga ko‘ra, hozirda Guantanamoda 41 kishi saqlanmoqda.