Chilonzorda bog‘cha mudirasi tanishiga pichoq tiqdi

Toshkent shahrida bog‘cha mudirasi tanishiga sovuq qurol bilan tahdid qildi. Bu haqda IIV Jamoatchilik va ommaviy axborot vositalari bilan aloqalar boshqarmasi xabar qildi.

2018-yilning 25-yanvar kuni Toshkent shahrining Chilonzor tumanidagi 215-sonli ixtisoslashtirilgan maktabgacha ta’lim muassasasi mudirasi D.Saidmatova tanishi, Uchtepa tumanida yashovchi B.Iskandarovning qorniga pichoq urib, jarohat yetkazdi.

Bunga ish joyidagi o‘zaro janjal sabab bo‘lgani bildirilmoqda.

B.Iskandarov kasalxonaga yotqizildi, D.Saidmatova esa qo‘lga olindi.