Sochida o‘smirlar selfi uchun 180 metrli teleminoraga chiqdi

Rossiyaning Sochi shahrida o‘smirlar selfi uchun 180 metrli teleminoraga chiqdi. Bu haqda “Gazeta.ru” xabar bermoqda.

Qo‘shni uylarda yashovchilar o‘smirlar teleminorada selfiga tushayotganini ko‘rib, qutqaruvchilar va politsiyani chaqirdi.

Qutqaruvchilar ikki o‘smirga pastga tushishga yordam berdi. Ularga tibbiy xizmat talab qilinmadi.

Ruferlar jami 4 kishi bo‘lgani, ulardan ikki nafari — yigit va qiz favqulodda xizmatlar kelguncha mustaqil ravishda pastga tushib ketgani ma’lum bo‘ldi.