Andijonda uy ichida qolib ketgan 4 yoshli bola qutqarildi

Andijon shahrida yashovchi D. G‘ofurova viloyat favqulodda vaziyatlar boshqarmasiga qo‘ng‘iroq qilib, temir eshik qulflanib qolgani va 4 yoshli bolasi uy ichida qolib ketganligi yuzasidan murojaat qildi. Bu haqda FVV matbuot xizmati xabar berdi.

Xabar olinganidan so‘ng boshqarma qutqaruv otryadi zudlik bilan mazkur manzilga yo‘l oldi. Bu yerda qutqaruvchilar qisqa vaqt mobaynida qulflanib qolgan uy eshigini ochdi va Hojiakbarni onasiga topshirdi.

Farzandini qo‘liga olgan ona o‘z vaqtida ko‘rsatilgan yordam uchun FVV xodimlariga minnatdorlik bildirdi.