Uyiga tezroq yetib olishga qaror qilgan peterburglik qiz mashinani olib qochdi

Rossiyaning Sankt-Peterburg shahrida yashovchi qiz uyiga tezroq yetib olish uchun begona mashinani o‘g‘irladi. Bu haqda Rossiya IIVning hududiy boshqarmasi xabar berdi.

Peterburglik 25 yoshli yigitning uyi oldida turgan Citroen Berlingo avtomobili 29-yanvarda yo‘qolib qolgan. Yigit politsiyaga murojaat qilgan va mashina o‘g‘irlanganini ma’lum qilgan. Tezkor xodimlar shu kunning o‘zida o‘g‘rini qo‘lga olgan.

So‘roq vaqtida qiz avtomobilni o‘g‘irlamoqchi bo‘lmaganini, shunchaki uyiga tezroq yetib olmoqchi bo‘lganini aytgan. Qiz mashinani ko‘chalardan birida qoldirgan.