“Oqtepa lavash” ovqatlanish tarmog‘i jamoaviy tarzda jamoatchilikdan uzr so‘radi (video)

Avvalroq ijtimoiy tarmoqlarda “Oqtepa lavash” fast-fud shoxobchasida suvaraklar bilan bog‘liq vedeolavha keng tarqalib, ko‘pchilikning noroziligiga sabab bo‘lgan edi. Shu munosabat bilan ovqatlanish tarmog‘ining bosh menejeri keng jamoatchilikdan uzr so‘radi, deb xabar berdi “Darakchi.uz”.

“15-yanvar kuni shoxobcha to‘la dezinfeksiya qilingandi. Lekin bu foyda bermaganidan keyin, kuni kecha qo‘shnilar bilan kelishib, Lutfiy ko‘chasida joylashgan ushbu ko‘p qavatli uydagi barcha xonadonlarda tozalash ishlari olib borildi”, — deydi ovqatlanish tarmog‘ining bosh menejeri.

Shuningdek, endilikda bunday holat qayta takrorlanmasligi uchun barcha choralar ko‘rilishini bildirib, “Oqtepa lavash” jamoaviy tarzda butun jamoatchilikdan uzr so‘radi.