AQShning Afg‘onistonda hozir bo‘lishi vaqt bilan cheklanmaydi

Qo‘shma Shtatlarning Afg‘onistonda hozir bo‘lishi sun’iy vaqt chegaralari bilan cheklanmaydi. AQSh prezidenti Donald Tramp 30-yanvar, seshanba kuni tegishli bayonot bilan chiqish qildi, deb yozadi “TASS”.

Amerikalik harbiy xizmatchilar uchun mazkur respublikada jang olib borish qoidalari o‘zgartirildi.

“Afg‘onistondagi harbiylarimiz jangovar harakatlarni olib borishning yangi qoidalarini oldi. Jasoratli afg‘on hamkorlari bilan bir qatorda sun’iy vaqt chegaralari qurolli kuchlarimizni ortiq diskreditatsiya qilmaydi va rejalarimizni ortiq raqiblarimizga ma’lum qilmaymiz”, — deya ta’kidladi u.

Bundan buyon Vashington mazkur mamlakatdagi harbiy kontingenti soni haqidagi ma’lumotni chop etmaydi va harbiy operatsiyalar boshlanishi yoki yakunlanishi yuzasidan rejalarini oshkor etmaydi. Terrorizmga qarshi kurashish esa ustuvor vazifa hisoblanadi.