Norvegiya olimpiya terma jamoasi libosida millatchilar belgisi topildi

Internet foydalanuvchilari Norvegiya chang‘i terma jamoasining sviterlarida millatchilar belgilarini topdi, deb yozmoqda “RIA Novosti”.

Pxyonchxanda bo‘lib o‘tadigan qishki Olimpiada o‘yinlari uchun tayyorlangan to‘q kulrang jemferlarda ikkita runa (qadimgi Skandinaviya yozuvi) topilgan. Yozuvlar qadimgi Skandinaviya afsonalaridan kelib chiqqan. Ulardan biri Tora xudosining ramzi bo‘lib, Uchinchi reyx tomonidan foydalanilgan. Ikkinchisi esa bugungi kungacha Skandinaviya neomillatchilari orasida ommabop hisoblanadi.

Ma’lum qilinishicha, bir nechta sportchi sviterlarni kiyishdan bosh tortgan. Formani taqdim etgan kompaniya mahsulotni ishlab chiqarishdan olib tashlamasligini, yozuvlar Skandinaviya madaniyatining bir qismi ekanligini ta’kidlagan.