Rossiya prezidenti kortejini tashuvchi aviaotryad sobiq rahbariga qarshi firibgarlik haqida ish ochishdi

Rossiya tergov qo‘mitasi davlatning birinchi shaxslariga xizmat ko‘rsatuvchi “224-uchuvchilar otryadi” OAJ direktori sobiq o‘rinbosari Dmitriy Novitskiyga qarshi o‘ta yirik hajmdagi firibgarlik haqida ish ochdi, deb yozadi “RBK”.

Moskvaning Meshchanskiy tuman sudi hujjatlariga ko‘ra, Novitskiy 2017-yilning 10-noyabrida hibsga olingan. U 2010—2015-yillarda “Rosoboroneksport” uchun yuk tashish narxlarini oshirib yuborganlikda gumonlanmoqda.

“Kommersant” manbalariga ko‘ra, taxmin etilayotgan zararning hajmi yuzlab million rubldan ikki milliard rublgacha bo‘lishi mumkin.

“224-uchuvchialr otryadi” shu jumladan, Rossiya prezidenti korteji avtomobillarini tashish bilan ham shug‘ullanadi.