India Open. O‘zbekistonlik bokschilardan master-klass: yarim finalda jang qilgan 7 sportchining hammasi finalda

WSB oldidan Hindiston mezbonlik qilayotgan India Open boks turniriga jo‘nab ketgan O‘zbekiston delegatsiyasining 10 bokschisidan 7 nafari final yo‘llanmasini qo‘lga kiritdi.

O‘zbekiston terma jamoasi Hindistonga asosiy emas, balki aralash tarkib bilan borgandi. Shunga qaramay, finalda jang qilish huquqini eng ko‘p o‘zbekistonlik charm qo‘lqop ustalari qo‘lga kiritdi.

Bugun — 1-fevral kuni final janglari bo‘lib o‘tadi. Ularda ringga chiqadigan juftliklar bilan quyida keltirilgan ro‘yxat orqali tanishish mumkin. Raqiblardan ikki nafari Kubadan, qolgani esa hindistonlik.

Qayd etish kerak, yarim finalda Bahodir Jalolov aynan kubalik raqibini taslim qilishga erishgandi.