Toshkentda 14-fevraldan sovuq suv tariflari oshadi
“Suvsoz” korxonasi Toshkentda sovuq suv tariflari 14-fevraldan oshishi haqida ma’lum qildi. Yangi narxlar poytaxt hokimiyati tomonidan tasdiqlandi, deb yozadi “Gazeta.ru”.
Aholi uchun vodoprovod suvi bir kubometri qiymati 190 so‘mdan 195 so‘mga (koeffitsiyent bilan 1,5 — 285 so‘mdan 292,5 so‘mga, Toshkent hokimining 12-yanvar kungi qarori bilan tasdiqlangan ustama bilan — 392,5 so‘m), kanalizatsiya xizmatlari — 155 so‘mdan 165 so‘mgacha oshadi.
Markazlashgan issiq suv ta’minotiga ega ko‘p qavatli turar-joylarda suv o‘lchagich bo‘yicha to‘lov amalga oshirishda 1 kubometr qiymati 625 so‘m (hozir — 500 so‘m), issiq suv ta’minoti markazlashmagan xonadonlarda — 460 so‘mni (hozir — 345 so‘m) tashkil etadi.
Xususiy sektor uylarida kanalizatsiya o‘tkazilgan xonadonlarda bir kubometr suv tarifi 345 so‘mdan 460 so‘mga, kanalizatsiya tarmog‘i mavjud bo‘lmagan uylarda esa 190 so‘mdan 295 so‘mga oshirildi.
Manba: Daryo.uz