Pentagon Qora dengiz osmonida harbiy samolyotlar parvozlarini to‘xtatishdan bosh tortdi

AQSh Qurolli kuchlari shtab boshliqlari qo‘mitasi vakili Kennet Makkenzi Amerika harbiy samolyotlari Rossiya qirg‘oqlari yaqinidagi xalqaro havo hududida uchishni davom ettirishini aytdi, deb yozadi “Vedomosti”.

“Biz Qora dengiz ustida uchyapmiz, Qora dengiz esa — xalqaro havo hududi. Bizda u yerda uchish huquqi bor va bu parvozlar davom ettiriladi”, — dedi u brifingda.

Makkenzi 29-yanvar, dushanba kuni Amerika razvedkachi samolyotining Su-27 Rossiya qiruvchisi tomonidan to‘xtatib qolinganini “xavfsiz emas” deb hisoblaydi, chunki Rossiya samolyoti xavfli tarzda yaqin kelgan.