Xitoylik tadqiqotchilar bolalar uchun quloq yetishtira boshladi
Xitoylik olimlar tajriba sifatida 5 nafar bolaga o‘zlarining kemirchak to‘qimalaridan yaratilgan quloqni o‘rnatdi. Bu haqda Daily Mail xabar bermoqda.
Mazkur usul orqali olimlar mikrotiya, ya’ni quloq chanog‘ining tug‘ma rivojlanmay qolishi bilan kurashishni boshladi.
Mikrotiya har 12 ming nafar chaqaloqdan birida kuzatiladi. Mazkur kasallik eshitish qobiliyatining yomonlashishiga olib kelishi mumkin. Sababi, quloq chanog‘i ovozni tutib, uning manbasi joyini aniqlashga yordam beradi.
Mikrotiya asoratlari bilan kurashish uchun sun’iy quloqlar yoki bolaning qovurg‘asidan olingan kemirchak to‘qima qo‘llaniladi.
Yangi uslub sog‘lom quloqni skaner qilish va uning sun’iy muqobilini yaratish jarayonini o‘z ichiga oladi.
Operatsiya qilingan bolalar 5 yil shifokorlar nazoratida bo‘ladi. Shifokorlar mazkur jarayon kutilgan natijani berganini nazorat qiladi.
Manba: Daryo.uz