Islom akademiyasi rektori Istanbuldagi anjumanda ma’ruza qildi

Istanbulda tashkil etilgan “Vahiy muqaddaslashtirgan shahar — Quddus” mavzusidagi xalqaro konferensiyada Islom akademiyasi rektori, akademik Ne’matullo Ibrohimov ishtirok etdi. Bu haqda O‘zbekiston musulmonlari idorasi matbuot xizmati ma’lum qildi.

Konferensiyada 25 davlatdan 100 dan ziyod din va davlat arboblari, islom ulamolari, muftiylar hamda nufuzli tashkilotlar rahbarlari qatnashdi.

Turkiya Diyonat boshqarmasi raisi doktor Ali Erboshning taklifiga binoan Ne’matulloh Ibrohimov ham mazkur konferensiyada qatnashdi va ma’ruza qildi.

Konferensiya yakunida islom e’tiqodi, ilm va ma’rifati asosida mustahkam aloqalarni o‘rnatish, jipslashish hamda hamkorlik qilish to‘g‘risida 22 banddan iborat ulamolar bayonoti qabul qilindi.