Yaponiya dunyodagi eng kichik raketani muvaffaqiyatli uchirdi 

Yaponiyaning JAXA koinot agentligi qattiq yoqilg‘idagi SS-520-5 raketa tashuvchisini muvaffaqiyatli uchirdi. Bu haqda “RIA Novosti” xabar bermoqda.

Dunyodagi eng kichik raketa mamlakat janubi-g‘arbidagi Kagosima prefekturasidagi Utinoura kosmodromidan 3-fevral, shanba kuni mahalliy vaqt bilan 14:03 da uchirildi.

Raketa Tokio universitetida ishlab chiqilgan 3 kilogrammli geologiya-qidiruv va aloqa sun’iy yo‘ldoshini orbitaga olib chiqadi. Mazkur qurilma Yer yuzasini suratga olishi ham ko‘zda tutilgan.