Tramp muvaffaqiyatlarini hech kim sezmayotganidan nolidi

AQSh prezidenti Donald Tramp mamlakatda faqat Rossiya muhokama etilayotgani va uning ma’muriyati qo‘lga kiritayotgan muvaffaqiyatlar yoritilmayotganidan nolidi. Bu haqda “Izvestiya” xabar bermoqda.

“Ish o‘rinlari bo‘yicha ajoyib ko‘rsatkichlar, ko‘p yillardan so‘ng nihoyat maoshlar oshmoqda. Hech kim bu haqda gapirayotgani ham yo‘q. Faqat Rossiya, Rossiya, Rossiya. Garchi bir yil davomidagi tekshiruvlardan so‘ng hech qanday kelishuv aniqlanmagan bo‘lsa ham”, — deya yozuv qoldirdi Tramp Twitter’dagi sahifasida.