Afrinda 2 nafar turk harbiy xizmatchisi halok bo‘ldi

Turkiyaning Afrindagi harbiy operatsiyasi davomida ikki harbiy hizmatchi halok bo‘ldi. Bu haqda mamlakat qurolli kuchlari bosh shtabi ma’lum qildi, deya xabar beradi “Gazeta.ru”.

“Afrindagi ‘Zaytun novdasi’ operatsiyasi davomida 4-fevral kuni ikki jangovar hamrohimiz halok bo‘ldi. Yana 5 kishi jarohat oldi”, — deyiladi shtab xabarida.

Suriyada operatsiya boshlanganidan beri qurbon bo‘lgan turk harbiylari soni 14 kishiga yetgani bildirilmoqda.