Ispaniya qirg‘oqlarida 16 muhojirning jasadi topildi

Ispaniyaning Marokash bilan chegaradosh Melilya shahri qirg‘oqlarida 16 muhojirning jasadi topildi, deb xabar beradi “Korrespondent.net”.

Jasadlar Ispaniya kemasi tomonidan topilgan. Kema kapitani Ispaniya va Marokash qutqaruv xizmatlariga xabar bergan.

Jasadlarni izlash ishlari bilan Ispaniya gvardiyasi vertolyoti yordamida Marokash xizmatlari shug‘ullangan.

Marokashlik qutqaruvchilarning so‘zlariga ko‘ra, halok bo‘lganlar orasida uch nafar ayol ham bo‘lgan. Muhojirlarning bir nafari marokashlik, qolgani afrikaliklar bo‘lgan.