O‘zbekiston armiyasi Qozog‘istondan tunda ko‘rish qurilmalarini sotib oldi

O‘zbekiston Qurolli kuchlariga tunda ko‘rish qurilmalari 2017-yilning oxirida Qozog‘istonning “KAE” MChJ tomonidan yetkazib berilgan. Bu haqda “Qozog‘iston injiniring” AJ matbuot xizmatiga ma’lum qildi, deb xabar beradi UZ24.

Mazkur zavod o‘zining elektron-optik mahsulotlarini o‘tgan yilning sentabrida Toshkentda bo‘lib o‘tgan “O‘zbekiston — Qozog‘iston: hamkorlikning yangi bosqichi” sanoat ko‘rgazmasida namoyish etgandi.

Natijada ikki tomonlama kelishuvga erishilgan. Qozog‘istonning tunda ko‘rish qurilmalari tegishli sinovlardan muvaffaqiyatli o‘tgan.

Ta’kidlash kerakki, O‘zbekiston bugungi kunda eksport mahsulotlarini kengaytirishga qiziqish bildirmoqda.