O‘zbekistonda ommaviy diktant tadbiri o‘tkaziladi

O‘zbekistonda joriy yil 20-oktabrda ommaviy diktant tadbiri o‘tkaziladi. Bu haqda O‘zA xabar bermoqda.

Davlat dasturiga asosan rejalashtirilayotgan mazkur tadbir korxona, muassasa va tashkilotlarda bo‘lib o‘tadi.

Ommaviy diktant tadbirini o‘tkazishdan maqsad savodxonlikni oshirish, madaniy hayotning barcha sohalarida o‘zbek tilining rolini kuchaytirishdan iborat ekanligi bildirilmoqda.

O‘z savodxonlik darajasini aniqlamoqchi bo‘lgan o‘zbekistonliklar mazkur tadbirda ixtiyoriy ravishda qatnashishi mumkin.