“Paxtakor” sobiq a’zosi Davron Hoshimov Namanganning “Navbahor” klubi bilan shartnoma imzoladi

O‘zbekiston milliy terma jamoasi safida bir qator o‘yinlar o‘tkazgan himoyachi Davron Hoshimov faoliyatini Namanganning “Navbahor” klubida davom ettiradi. Bu haqda klub matbuot xizmati xabar berdi.

Unda aytilishicha, Hoshimov bilan 1 yillik kelishuvga erishilgan. Futbolchining oldida bir qator variantlar bor bo‘lsa-da, u aynan “Navbahor”ni afzal bilgan.

“Paxtakor” sobiq futbolchisi bunga qadar “Qo‘qon-1912” mashg‘ulotlarida ishtirok etib kelayotgandi. Avvalroq Toshkent grandini Javohir Sohibov, Sherzod Karimov, Igor Sergeyev kabi futbolchilar ham tark etgandi.