“Gazning o‘zi yo‘q”. “O‘ztransgaz” vodiydagi gaz quyish shoxobchalarida yuzaga kelgan tanqislik borasida tushuntirish berdi

Bugun, 7-yanvar kuni Milliy matbuot markazida “O‘ztransgaz” aksiyadorlik jamiyati rahbariyati va mas’ul xodimlari ishtirokida “Aholiga muntazam va uzluksiz gaz mahsulotlarini yetkazib berish borasida belgilangan chora-tadbirlar ijrosi” mavzusida matbuot anjumani tashkil etildi, deb xabar berdi “Xabar.uz”

Anjumanda ishtirok etgan tashkilot boshqarma boshlig‘i Akmal Eshonqulov vodiydagi avtomobillarga gaz quyish shoxobchalarida yuzaga kelgan tanqislik sabablari haqida ma’lumot berdi.

“Chunki o‘sha gazning o‘zi yo‘q. Mahsulotni yetkazib berolmayapmiz, berilayotgan gaz hajmi esa yetarli emas. Shuning uchun vodiyga gaz yetkazish borasida qator muammolar bo‘lyapti. Qishning sovuq kunlarida, ayniqsa, gaz yetkazib berish qiyinlashadi. Bosimni asta-sekinlik bilan ko‘tarib boramiz”, — dedi tashkilot boshqarma boshlig‘i Akmal Eshonqulov.