Moskva viloyatida haydovchi BMW’ni yuvishdan bosh tortgan servis xodimini urib o‘ldirdi (video)

Moskva viloyatida haydovchi avtomobil yuvuvchi xodimni BMW mashinasini yuvishdan bosh tortgani uchun bir zarba bilan o‘ldirib qo‘ydi. Bu haqda “RIA Novosti” xabar berdi.

Janjal 7-fevral kuni kechasi yuzaga kelgan Taxminan tonggi soat 03:30 da 24 yoshli haydovchi va uning do‘sti avtomobil yuvish shoxobchasiga kelgan, muassasa xodimlari esa bu vaqtda uxlayotgan edi. Hech kimning unga xizmat ko‘rsatish uchun shoshilmagani erkakning jahlini chiqargan. Shundan so‘ng so‘kina boshlagan. BMW haydovchisi ikki nafar xodimni urgan. Ulardan biri yiqilgan vaqtda boshi bilan tushgan va hushini yo‘qotgan. 39 yoshli erkak kasalxonada vafot etgan.

Aniqlanishicha, BMW haydovchisi avval bir necha marta o‘g‘rilik uchun sudlangan.