Shavkat Mirziyoyev Si Szinpinni Xitoy Yangi yil bayrami bilan tabrikladi

O‘zbekiston Prezidenti Shavkat Mirziyoyev Xitoy rahbari Si Szinpinga Chunsze bayrami — oy taqvimi bo‘yicha Yangi yil munosabati bilan tabrik yo‘lladi. Bu haqda Prezident matbuot xizmati xabar bermoqda.

Ma’lumot uchun, oy taqvimi bo‘yicha Yangi yilning birinchi kuni — Xitoyning asosiy umummilliy bayramlaridan biri hisoblanadi. Bu yil Xitoy Yangi yilining birinchi kuni 16-fevralga to‘g‘ri keldi.

Bayram 16-fevraldan 2-martgacha davom etadi, biroq xitoyliklarning o‘zi bayram munosabati bilan rasman faqat yetti kun — 21-fevralga qadar dam oladi.

E’tiborli tomoni, oy taqvimi bo‘yicha bu yil Xitoyda 4716-yil kutib olindi.