Eronda qulagan ATR 72-500 samolyotining halokati sabablariga aniqlik kiritildi

Eronning Isfahon viloyatida qulagan ATR 72-500 samolyotining halokatiga oid dastlabki versiyalar ilgari surildi. Bu haqda “MK.ru” xabar bermoqda.

Aytilishicha, halokatga ob-havo sharoitlarining yomonligi sabab bo‘lgani taxmin qilinmoqda. Uchuvchilar shu tufayli yo‘nalishni yo‘qotgan bo‘lishi mumkin.

Ayni paytda, qutqaruv xizmatlari ham ob-havo yomonligi bois qidiruv ishlarini to‘laqonli olib borolmayapti.

Eslatib o‘tamiz, samolyot bortida bo‘lgan 66 kishi halok bo‘ldi.