Floridada maktablarda qotilliklar sodir etish haqida tahdid qilgan o‘spirin hibsga olindi

AQShning Florida shtati Fort-Loderdeyl shahrida o‘z Instagram’ida o‘sha shtatdagi Brouard okrugi hududidagi bir nechta maktablarda qotilliklar sodir etish bilan tahdid qilgan o‘spirin hibsga olindi, deb yozadi “TASS”.

Yigitcha qilmishiga afsuslanib, o‘z qarindoshini qo‘rqitib qo‘yish maqsadida hazillashmoqchi bo‘lganini da’vo qilgan.

O‘spirin uchinchi darajali og‘irlikdagi qonunbuzarlikni amalga oshirganlikda ayblanishi mumkin. Parklend shahridagi maktabda sodir bo‘lgan qotillikni hisobga olib, sherif boshqarmasi tahdidlar mualliflarini qonun doirasida shafqatsiz jazolashga va’da bermoqda.