O‘zbekistonda yurt tinchligi yo‘lida jonini qurbon qilgan 26 harbiy xizmatchining byustlari o‘rnatiladi

O‘zbekiston Vazirlar Mahkamasi tomonidan xizmat burchini bajarish chog‘ida halok bo‘lgan Mudofaa vazirligi, Milliy gvardiya hamda Milliy xavfsizlik xizmati tarkibidagi 26 nafar harbiy xizmatchining byustini yaratish va ular tahsil olgan umumta’lim maktablarida o‘rnatish to‘g‘risidagi farmoyish imzolandi. Bu haqda “Daryo”ga Mudofaa vazirligi vakillari ma’lum qildi.

Hujjatda byustlarning yaratilishi uch oy muddat ichida yakunlanishi va o‘rnatilishi ko‘zda tutilgan bo‘lib, buyurtmani tayyorlovchi sifatida O‘zbekiston Badiiy Akademiyasi ko‘rsatilgan.

Shuningdek, unda yurt tinchligi uchun jonini qurbon qilgan bir guruh harbiy xizmatchilarning ismi, sharifi va ular tahsil olgan maktab nomlari keltirilgan.