Koreya Respublikasi Shimoliy Koreya delegatsiyasining 3 kunlik tashrifiga 223 ming dollar sarfladi

Koreya Respublikasi mamlakatga KXDR delegatsiyasining uch kunlik tashrifi uchun 240 millionga yaqin von (223 ming dollardan ortiq) sarfladi. Bu haqda Reuters agentligi ma’lum qildi, deb yozadi “TASS”.

Koreya Respublikasi birlashish vazirligining nomi oshkor etilmagan vakili ma’lumotlariga ko‘ra, 130 million von (121 ming dollar atrofida) to‘rt kishidan iborat delegatsiya va xizmat ko‘rsatuvchi 18 nafar xodimni joylashtirish uchun sarflangan.

Yana 50 million von (46,5 ming dollar) transport uchun, xuddi shunday summa oziq-ovqatga sarflangan.

Eslatib o‘tamiz, KXDR delegatsiyasi tarkibiga mamlakat yetakchisi Kim Chen Inning singlisi Kim Yo Chjon ham kirgan.