“Qizlarimning o‘qishi uchun mashinamni sotgandim, qizim menga mashina sovg‘a qildi”. O‘zbekistonning eng yosh kitobxoni otasiga Spark sovg‘a qildi (video)

“Yosh kitobxon” respublika televizion ko‘rik-tanlovida g‘olib chiqqan Mohiniso Shomurodova Prezident sovg‘asi — Spark avtomobili bilan taqdirlangani haqida avval xabar berilgan edi.

“O‘zbekiston 24” telekanalining xabar berishicha, Samarqand viloyati Narpay tumanidagi 17-maktabning 10-sinfida ta’lim oladigan, 600 ga yaqin kitobni o‘qib chiqqan Mohiniso unga taqdim etilgan Spark’ni otasiga sovg‘a qildi.

To‘rt nafar qizim oliy o‘quv yurtlarida o‘qiydi. Farzandlarimning o‘qishiga xarajat qilish uchun avvalgi mashinamni sotgandim.

Mashinani sotgandan so‘ng, velosipedning egasi bo‘lib qolgandik, velosipedda yurgandik. Mana, Mohiniso qizimiz mana shu mashinani qaytarib sovg‘a qilib berdi. O‘zimizga, oilamizga.

Shavkat Do‘lanov, Mohinisoning otasi