AQSh Estoniyada Patriot raketa tizimini namoyish etadi

AQSh Qurolli kuchlari 23-fevral, juma kuni Patriot raketa tizimini namoyish etadi. Bu haqda Estoniya mudofaa kuchlari matbuot xizmatiga tayanib, “Interfaks” xabar bermoqda.

MIM 104 Patriot havo hujumi va rekata hujumiga qarshi mobil tizimi harakat radiusi raketa turiga qarab 160 kilometr, nishonga tekkizish balandligi 25 kilometrgachani tashkil etadi. Estoniya qurolli kuchlarining fikricha, bu tizim dunyodagi eng zamonaviylaridan biri hisoblanadi.

Patriot’ni ishga tushirish tizimi Estoniyaga yetkazilgan. U 24-fevral kuni Estoniya davlati 100 yilligiga bag‘ishlangan mudofaa kuchlari paradida ishtirok etishi ham kutilmoqda.