Beeline’ning O‘zbekistondagi tushumi 2017-yilda 2,3 trillion so‘mni tashkil etdi

VEON kompaniyasi 2017-yil yakunlari bo‘yicha ma’lumotlarni e’lon qildi. Bu haqda Spot xabar bermoqda.

O‘zbekistonda Beeline brendi ostida ishlaydigan kompaniyaning mamlakatdagi tushumi 2,34 trillion so‘mni tashkil etdi. Bu 2016-yilga nisbatan 19,1 foizga ko‘p.

Xorijiy valyutadagi tushum 513 million dollarga teng bo‘ldi. Bu esa 2016-yilga solishtirganda 22,6 foizga kam.

Kompaniyaning abonent bazasi 9,7 million kishiga yetdi. Mazkur ko‘rsatkich 2016-yilga nisbatan 1,9 foizga ko‘p.