Umid Ahmadjonov Markaziy Osiyo davlatlari, Eron va Afg‘onistonni o‘z ichiga olgan assotsiatsiyaning ham prezidenti bo‘ldi

MOQ prezidenti va O‘FA birinchi vitse-prezidenti sifatida faoliyat olib borayotgan Umid Ahmadjonov yana bir tashkilotga prezident etib saylandi. Bu haqda O‘FA matbuot xizmati xabar berdi.

OFK qit’a mamlakatlarida futbolni rivojlantirish yo‘lida ularni turli mintaqalarga bo‘lib chiqqandi. Unga ko‘ra, Markaziy Osiyo tasarrufiga kiruvchi O‘zbekiston, Turkmaniston, Tojikiston, Turkmaniston mamlakatlari, shuningdek, Eron hamda Afg‘oniston bir bo‘lib — Markaziy Osiyo futbol assotsiatsiyasini (KAFA) tashkil qilgandi.

Mazkur a’zo mamlakatlarning umumiy assotsiatsiyasi OFK ishonchiga ko‘ra, Toshkentga joylashgandi. Bugun — 24-fevral kuni Hyatt Regency mehmonxonasida mazkur assotsiatsiyasining hisobot-saylov konferensiyasi bo‘lib o‘tdi. Yakunda assotsiatsiyasi prezidenti etib Umid Ahmadjonov saylandi.